Ընդհանուր դրույթներ և պայմաններ

ԳԼՈՒԽ 6 . ԱՌԱՔԱՆԻՆԵՐԻ ԸՆԴՈՒՆՈՒՄԸ ԳԼՈԲԲԻՆԳԻ ԿՈՂՄԻՑ 

 

6.1. Դուք հասկանում և ընդունում եք, որ Առաքանու փոխադրումը մինչև Գլոբբինգի պահեստ իրականացվում է երրորդ անձանց կողմից։ Գլոբբինգը պատասխանատվություն չի կրում Գլոբբինգի պահեստ չընդունված և չգրանցված Առաքանիների համար, այդ թվում՝ դրանց կորստի, վնասի և այլ ռիսկերի համար, ինչպես նաև առաքող ընկերությունների գործողություններից ծագած այլ վնասների համար։ 

6.2. Հաճախորդը հասկանում և ընդունում է, որ պահեստում բեռի խմբաքանակի ընդունման պահին Ընկերության աշխատակցի կողմից դրված ստորագրությունը չի հանդիսանում Հաճախորդի կոնկրետ Առաքանու ստացման ապացույց։ Նշված ստորագրությունը վկայում է միայն տվյալ խմբաքանակի՝ փոխադրողի կողմից պահեստ առաքման փաստը, որի կազմում Հաճախորդի Առաքանին կարող է առկա չլինել՝ անկախ այն հանգամանքից, որ առաքողը նշել է դրա առկայությունը։

6.3. Առաքանին Գլոբբինգի պահեստ ընդունված և գրանցված է համարվում Գլոբբինգի պահեստ մուտքագրվելու և համապատասխան սքանավորման գործընթացից հետո։ 

6.4. Առաքանին Գլոբբինգի պահեստում ընդունելու և գրանցվելու պահին այն կշռվում է ՀՀ իրավակարգավորումներին համապատասխան սարքավորումներով և կարգով, որի վերաբերյալ տվյալները (քաշը) զետեղվում են Ձեր Հաշվում։ Առաքանու քաշի վերաբերյալ այլ անձանց (վաճառող, առաքող և այլն) կողմից նշված տվյալների և Գլոբբինգի կողմից նշված քաշերի անհամապատասխանության դեպքում՝ Գլոբբինգի և Ձեր հարաբերություններում կիրառվում է Գլոբբինգի կողմից՝ Հաշվում նշված քաշը։ 

6.5. Առաքանին ցանկացած եղանակով ստանալով՝ Դուք ընդունում եք, որ Ձեր Հաշվում նշված քաշը հավաստի է։ Առաքանին ստանալու պահից Դուք հրաժարվում եք դրա քաշի վերաբերյալ (այդ թվում նաև՝ վաճառողի և Գլոբբինգի կողմից նշված քաշերի անհամապատասխանությունների վերաբերյալ) առարկություններ ներկայացնելու իրավունքից, եթե առաքանին ընդունելիս այն չի կշռվել և քաշի անհամապատասխանությունը չի արձանագրվել Գլոբբինգի սպասարկման սրահի աշխատակցի կողմից Ձեր ներկայությամբ։ Սպասարկման սրահից բացի այլ կարգով Առաքանին ստանալու Ձեր ընտրության դեպքում Դուք անվերապահորեն ընդունում եք, որ Ձեր Հաշվում նշված քաշը հավաստի է։

6.6. Գլոբբիգի և Ձեր միջև հարաբերությունների շրջանակներում Երրորդ անձանց (վաճառող, առաքող և այլն) կողմից Առաքանու փոխադրման վերաբերյալ ներկայացված տվյալները հաշվի չեն առնվում։ Դուք հասկանում և ընդունում եք, որ երրորդ անձանց կողմից Ձեզ ուղարկված ծանուցումը առ այն, որ Առաքանին փոխադրվել է, դեռևս չի նշանակում, որ այն ընդունվել է Գլոբբինգի կողմից։ Գլոբբինգը պատասխանատվություն չի կրում երրորդ անձանց կողմից Հաճախորդին ուղարկված ծանուցումների (այդ թվում նաև՝ Առաքանու՝ Գլոբբինգի արտասահմանյան պահեստ առաքված լինելու մասին ծանուցումների) հավաստիության և իսկության համար։

6.7. Կայքէջում տեղադրված փոխադրման ժամկետները սկսում են հաշվարկվել Առաքանին Պահեստի կողմից գրանցման պահից։ Գրանցումը իրականացվում է Առաքանին Պահեստ հասնելուց  հետո միջինում 24 ժամվա ընթացքում։ 

 

 

 ԳԼՈՒԽ 7. ԱՐՏԱՀԱՆՈՒՄ

 

7.1 Գլոբբինգը մատուցում է արտահանման ծառայություններ դեպի ԱՄՆ-ի արտասահմանյան պահեստ: 

7.2 Արտահանման ենթակա են միայն ՀՀ սպասարկման սրահներ հասած և Գլոբբինգի  ծառայության համար վճարված առաքանիները և անձնական  ծանրոցները: 

7.3 Հաճախորդը պարտավորվում է արտահանման ենթակա առաքանին և/կամ անձնական ծանրոցը մոտեցնել Գլոբբինգի սպասարկման սրահ՝ տրամադրելով իր անձնական էջի տվյալները և ստացողի տվյալները: 

7.4 Հաճախորդը  պատասխանատվություն է կրում առաքանու և/կամ անձնական ծանրոցի ներդրվածքի համար և ընդունում է, որ կախված առաքանու ներդրվածքի առանձնահատկություններից առաքանին կարող է պահվել և ենթակրվել մաքսային զննության տրանզիտ երկրի կամ  ստացող երկրի մաքսային մարմինների կողմից կամ հետ ուղարկվել Հայաստանի Հանրապետություն: 

7.5 Գլոբբինգը արտահանման համար պատասխանատվություն է կրում առաքանիները և անձնական  ծանրոցները մինչև ԱՄՆ-ի ներքին փոխադրող ընկերությանը հանձնելը։ Հանձնելուց հետո ողջ պատասխանատվությունն անցնում է փոխադրող ընկերությանը: 

7.6 Գլոբբինգի կողմից հայտարարված առաքման ժամկետները պայմանական են և ցանկացած ժամանակ կարող են փոփոխվել և տատանվել: 

7.7 Հաճախորդը  պատասխանատվություն է կրում առաքանու և/կամ անձնական ծանրոցների համար հայտարարգրված գնի համար: 

7.8 Արտահանման ծառայությունները մատուցելիս առաքանու և/կամ անձնական ծանրոցի կորստի կամ վնասվածքի համար Ընկերության պատասխանատվությունը կարող է սահմանափակվել 20,000 (քսան հազար) ՀՀ դրամով: Իսկ այն դեպքերում, երբ կորստի կամ վնասվածքի փոխհատուցման գումարը ավելի քիչ է քան 20,000 (քսան հազար) ՀՀ դրամը, ապա փոխհատուցվում է՝ առաքանու վնասի արժեքով։ 

7․9 Արտահանման պիտակի բացակայության դեպքում, եթե առաքանին և/կամ անձնական ծանրոցը ուղարկվում է Գլոբբինգի կամ գործընկերոջ արտասահմանյան  պահեստ և 30 (երեսուն) օրվա ընթացքում առաքանին և/կամ անձնական ծանրոցը չի ընդունվում Վաճառողի կամ ներքին առաքող ընկերության կողմից, ապա  Ընկերությանը լիազորված է Հաճախորդի անունից տնօրինել համապատասխան Առաքանին և/կամ անձնական ծանրոցը։ 

 

 

ԳԼՈՒԽ 8 .  ԾԱՌԱՅՈՒԹՅՈՒՆՆԵՐԻ ԱՐԺԵՔԸ ԵՎ ՎՃԱՐՄԱՆ ԿԱՐԳԸ

 

8.1. Ծառայությունների արժեքը որոշվում է Պատվերի ընդունման ժամանակ գործող սակագներով, այնուհանդերձ, եթե Առաքանու՝ մինչև Առաքանու հանձնումը Հաճախորդին ընկած ժամանակահատվածում Ծառայության ինքնարժեքը բարձրացնել է հինգ և ավելի տոկոսով, Ընկերությունն իրավունք ունի միակողմանի վերանայել ծառայության արժեքը։

8.2. Հաճախորդը հասկանում և ընդունում է, որ Գլոբբինգը ծառայություններ է մատուցում տարբեր երկրներում, որոնք ունեն տարբեր դրամական միավորներ, ուստի որոշ դեպքերում Ծառայության արժեքը, կամ այլ գնանշումներ կարող են կատարվել ԱՄՆ դոլարով կամ այլ արժույթով, սակայն կանխիկ վճարման դեպքում վճարումը ենթակա է կատարման ստացման երկրի օրենսդրության համապատասխան այդ երկրի արժույթով Գլոբբինգի կողմից սահմանված փոխարժեքին համապատասխան:

8.3. Հաճախորդը հասկանում և ընդունում է, որ իր կողմից իր հաշվին մուտք արվող դրամական միջոցները կարող են արտահայտվել այլ արժույթով, ինչպես նաև ընդունում է, որ Հաշվում արդեն իսկ առկա և արտարժույթով արտահայտված դրամական միջոցները կարող են արտահայտվել ՀՀ դրամով։ Ընդ որում, Հաճախորդը համաձայն է, որ արտարժույթի արտահայտումը ՀՀ դրամով կարող է կատարվել վճարման օրվա դրությամբ Ընկերությանը սպասարկող  բանկի կողմից հրապարակված համապատասխան փոխարժեքով։ 

8.4. Հայաստանի Հանրապետություն առաքվող Պատվերների համար, որոշ դեպքերում Ծառայությունների արժեքները կարող են նշվել ԱՄՆ դոլարով կամ այլ արտարժույթով, սակայն վճարումները կատարվում են ՀՀ դրամով՝ վճարման օրվա դրությամբ ընկերությանը սպասարկող բանկի կողմից սահմանված արտարժույթի վաճառքի փոխարժեքով։

8.5. Հաճախորդն ընդունում է, որ Ծառայությունների մատուցման ընթացքում կարող է ծագել լրացուցիչ ծառայությունների մատուցման անհրաժեշտություն։ Լրացուցիչ ծառայությունները պետք է լինեն ողջամիտ, անհրաժեշտ Ծառայությունների պատշաճ մատուցման համար, բխեն Հաճախորդի շահերից և ուղղված լինեն Հաճախորդի շահերի լավագույն ապահովմանը։ Գլոբբինգը պարտավոր է լրացուցիչ Ծառայության անհրաժեշտության մասին ծանուցել Հաճախորդին, բացառությամբ, եթե ժամանակային առումով նման տեղեկացումը հնարավոր չէ իրականացնել, և դա կխոչընդոտի Ծառայությունների պատշաճ մատուցմանը։ Հաճախորդը պարտավորվում է վճարել լրացուցիչ ծառայության մատուցման համար ծագած լրացուցիչ վճարը, որի մասին տվյալները կարող է տեղադրված լինել Ընկերության սպասարկման կետերում և Կայքում։

8.6. Եթե անհրաժեշտ է առաքանու պահպանության համար վերափաթեթավորել ապրանքը, ապա տվյալ դեպքում Ընկերությունը իրավունք ունի իրականացնել վերափաթեթավորում, որի արդյունքում առաջացած ծախսերը (առաքման քաշի և գնի փոփոխություն՝ ավելացում) կրում է Հաճախորդը։

8.7. Հաճախորդը պարտավորվում է մինչև Առաքանու ստանալը և/կամ առաքվելը ամբողջությամբ վճարել Ծառայությունների մատուցման արժեքը։ Մինչև Առաքանու ստանալը և/կամ առաքվելը Հաճախորդը պարտավոր է մարել Գլոբբինգի հանդեպ ունեցած բոլոր առկա պարտավորությունները։ Գլոբբինգն իրավունք ունի պահել Առաքանին` ի ապահովումն իրեն հասանելիք վճարների, այդ թվում նաև այլ Ծառայությունների հետ կապված վճարների։ Հաճախորդը հասկանում և ընդունում է, որ իր հաշվին դրամական միջոցներ մուտքագրելուց հետո, նշված դրամական միջոցները՝ մուտքագրվելու օրվանից 5 (հինգ) տարվա ընթացքում չօգտագործելու դեպքում՝ դրանք դուրս է գրվելու Հաճախորդի հաշվից։     Հաճախորդի կողմից Հաշվում «Հիշել քարտը» կոճակը սեղմելու և բարկոդը երրորդ անձին փոխանցելու, կամ բարկոդը ցանկացած այլ եղանակով երրորդ անձին հայտնի դառնալու դեպքում, երրորդ անձը հնարավորություն է ունենում համալրել տվյալ Հաճախորդի հաշիվը նշված քարտից՝ բացասական հաշվի պարագայում, ընդ որում միայն ընկերության սպասարկման սրահների կամ ստացման կետերի տերմինալներից: 

 

ԳԼՈՒԽ 9. ԱՌԱՔԱՆԻՆԵՐԻ ՀԱՆՁՆՄԱՆ ԵՎ ՎԵՐԱԴԱՐՁՄԱՆ ԿԱՐԳ

9.1. Առաքանիների հանձնումը իրականացվում է հետևյալ եղանակներից մեկով՝ ըստ Հաճախորդի ընտրությամբ՝

 «Առաքում տուն»,

 «Առաքումների ստացում Գլոբբինգի սպասարկման սրահներից և սպասարկման կետերից»,

 «Առաքումների ստացում պահատեղիների (լոքերների) միջոցով»։ 

9.2. «Առաքում տուն» եղանակով առաքանիների հանձնման կարգ․

9.2.1. Առաքանու փոխադրման հասցեն է հանդիսանում ուղեկցող փաստաթղթի վրա նշված հասցեն և այն հանձնվում է  Հաճախորդին կամ նրա կողմից լիազորված անձին:

9.2.2. Առաքանին հանձնվում է, եթե Հաճախորդի կամ լիազորված անձի մոտ առկա է Ընկերության կողմից ուղարկված համապատասխան բարկոդը: 

9.2.3. Սարքավորման միջոցով Պատվերի կոդի սքանավորումը կամ համապատասխան կոդի մուտքագրումը հիմք է հանդիսանում՝ Առաքանին համապատասխան կոդը մուտքագրած/սկանավորած անձին հանձնելու համար։ 

9.2.4. Հաճախորդները անվերապահորեն ընդունում են, որ համապատասխան կոդի մուտքագրումը համակարգ նշանակում է, որ այն մուտքագրած անձը հանդիսանում է Առաքանին պատշաճ ստացող սուբյեկտ։ Ընկերությունը որևէ պարագայում պատասխանատվություն չի կրում անհատական բարկոդի՝ երրորդ անձանց հայտնի դառնալու, փոխանցելու կամ այլ կերպ օգտագործվելու հետևանքով Հաճախորդին հասցված վնասի համար։ Ցանկացած պարագայում Ընկերությունն իրավասու է Հաճախորդից գանձել մատուցված ծառայության արժեքը։       

9.3. «Առաքումների ստացում Գլոբբինգի սպասարկման սրահներից և սպասարկման կետերից» կամ «Առաքումների ստացում լոքերների միջոցով» եղանակներով առաքանիների հանձման կարգ․

9.3.1. Եթե Պատվերը ստացվում է Գլոբբինգի սպասարկման սրահներում տեղադրված ավտոմատացված համակարգի կամ լոքերների (այսուհետ միասին՝ սարքավորում) միջոցով, ապա սարքավորման միջոցով Պատվերի կոդի սքանավորումը կամ համապատասխան կոդի մուտքագրումը հիմք է հանդիսանում՝ Առաքանին համապատասխան կոդը մուտքագրած/սկանավորած անձին հանձնելու համար։ Հաճախորդները անվերապահորեն ընդունում են, որ համապատասխան կոդի մուտքագրումը համակարգ նշանակում է, որ այն մուտքագրած անձը հանդիսանում է Պատվերի պատշաճ ստացող սուբյեկտ։ Ընկերությունը որևէ պարագայում պատասխանատվություն չի կրում անհատական բարկոդի՝ երրորդ անձանց հայտնի դառնալու, փոխանցելու կամ այլ կերպ օգտագործվելու հետևանքով Հաճախորդին հասցված վնասի համար։ Ցանկացած պարագայում Ընկերությունն իրավասու է Հաճախորդից գանձել մատուցված ծառայության արժեքը։     

9.4. Առաքանին ստանալու պահին դրա ամբողջականությունը ստուգելու պարտականությունը կրում է Հաճախորդը։ Առաքանին ստանալուց հետո Հաճախորդը զրկված է դրա ամբողջականության վերաբերյալ առարկություններ ներկայացնելու իրավունքից։ 

9.5. Առաքանին Ընդունելիս Հաճախորդը պետք է համոզվի, որ դրա ներդրվածքը պատկանում է իրեն և ամբողջական է։ Այլ անձի Պատվերը ստանալու դեպքում համապատասխան Հաճախորդը պարտավոր է այն ստանալուց պահից 3 (երեք) օրացուցային օրվա ընթացքում վերադարձնել Առաքանին Գլոբբինգին։ Նշված ժամկետի խախտման դեպքում՝ ուրիշի առաքանին ստացած Հաճախորդը/անձը պարտավոր է հատուցել Առաքանու իրական հասցեատիրոջ և Գլոբբինգի կողմից կրած բոլոր վնասները, ինչպես նաև Գլոբբինգին վճարել տուգանք՝  100,000 (հարյուր հազար) ՀՀ դրամի չափով։  

9.6. Իրավաբանական անձանց հասցեագրված Պատվերների հանձնման կարգը կարող է որոշվել իրավաբանական անձանց և Ընկերության միջև կնքված համապատասխան պայմանագրի համաձայն:

9.7. Պատվերները ստացողին (օրինական  ներկայացուցչին)  հանձնելու անհնարինության դեպքում դրանք 30 (երեսուն) օր պահպանվում են Ընկերությունում կամ վերջինիս գործընկերոջ մոտ: Ուղարկողը կամ ստացողը գրավոր դիմումով կարող է երկարաձգել Պատվերի պահպանման ժամկետները՝ մինչև երեք ամիս: Հաճախորդը պարտավոր է Գլոբբինգին վճարել Առաքանու պահատվության համար՝ ՀՀ օրենսդրությամբ և Պայմաններով սահմանված կարգով և չափով:      

9.8. Ուղարկողի համապատասխան դիմումի հիման վրա և հնարավորության դեպքում Ընկերությունը իրավունք ունի Առաքանին ՀՀ օրենսդրությամբ և միջազգային պայմանագրով սահմանված կարգով վերադարձնել հետադարձ հասցեով։ Գլոբբինգը պատասխանատվություն չի կրում վերադարձման հետևանքով Հաճախորդի կամ երրորդ անձանց մոտ ծագած վնասների համար։ Այդ դեպքերում, երբ Գլոբբինգը Առաքանու ուղարկողից ստանում է վերադարձնելու դիմում՝ Հաճախորդը պարտավոր է Գլոբբինգին վճարել երկկողմանի փոխադրման արժեքը՝ ամբողջությամբ։ 

9.9. Առաքանու կորստի հատուցման և նյութական պատասխանատվության պայմանները սահմանված են Ընկերության գործընկերոջ երկրի օրենսդրությամբ:

ԳԼՈՒԽ 13. ԵՐՐՈՐԴ ԱՆՁԱՆՑ ԱՊՐԱՆՔՆԵՐԸ, ԿԱՅՔԵՐԸ ԵՎ ԳՈՎԱԶԴՆԵՐԸ  

 

13.1. Կայքը կարող է պարունակել այլ կայքերի հղումներ կամ հիպերլինկեր, հոդվածներ, լուսանկարներ, նկարներ, ապրանքներ, գրաֆիկ նկարներ, ձայնային և տեսանյութեր, տեղեկություններ, ծրագրեր և այլն, որոնք տեղադրված են կամ պատկանում են երրորդ անձանց: Ընկերությունը չի ներկայացնում այդ Երրորդ անձանց, չի ստուգել դրանց կողմից տեղադրվող նյութերի ամբողջականությունը, ճշմարտացիությունը, հավաստիությունը և պատասխանատվություն չի կրում նրանց նյութերի և Կայքում տեղադրված այլ կայքերի հղումների համար:

13.2. Ընկերությունը պատասխանատվություն չի կրում Կայքի միջոցով երրորդ անձանց կողմից առաջարկվող և մատուցվող ծառայությունների, ապրանքների և աշխատանքների համար:

13.3. Ընկերությունը պատասխանատվություն չի կրում իր միջոցով կամ օգնությամբ երրորդ անձանց կայքերից գնված ապրանքերի որակի, սարքինությանը, ամբողջականության, ինչպես նաև այդ ապրանքները Ձեր ակնկալիքներին համապատասխանելու համար։ Դուք ամբողջովին պատասխանատվություն եք կրում նման Առաքանիները ստանալու, այն մաքսազերծելու, երրորդ անձանց հետ բանակցելու, Առաքանին վերադարձնելու և դրա հետ կապված ցանկացած այլ գործողության համար։

 

 

ԳԼՈՒԽ 14. ԱԿՑԻԱՆԵՐ ԵՎ ԲՈՆՈՒՍՆԵՐ

 

      Ընկերությունը իրավունք ունի ժամանակ առ ժամանակ հայտարարել ակցիաների ծրագրեր, որոնց շրջանակում առանձին կատեգորիայի Հաճախորդներին կամ բոլոր Հաճախորդներին կարող են տրամադրվել բոնուսային միավորներ։ Բոնուսային միավորները կարող են օգտագործվել համապատասխան ակցիաների ծրագրերով նախանշված ծառայությունների շրջանակներում։ Ընկերության կողմից տարբեր ակցիաների ընթացքում տրամադրված բոնուսային միավորները կախված ակցիայի տեսակից կարող են համարվել անվավեր, եթե Հաճախորդը 3 (երեք) հաջորդող օրացուցային ամիսների ընթացքում չի կատարել ոչ մի Պատվեր:

 

ԳԼՈՒԽ 15. ԻՐԱՎԱՀԱՐԱԲԵՐՈՒԹՅՈՒՆՆԵՐԻ ԴԱԴԱՐՈՒՄ

 

15.1 Դուք իրավունք ունեք ցանկացած պահի դադարեցնել Գլոբբինգի հետ Ձեր պայմանագրային հարաբերությունները՝ մինչև այդ կատարելով Ընկերության հանդեպ ունեցած Ձեր բոլոր պարտավորությունները: Ձեր կողմից ժամկետանց պարտավորության առկայության դեպքում Պայմանագիրը լուծված համարվել չի կարող:

15.2 Պայմանագրի լուծման և Գլոբբինգի էջում գործող հաշիվը փակելու նպատակով Հաճախորդը պետք է info@globbing.com էլեկտրոնային հասցեով կամ Ընկերության գրասենյակում ներկայացնի գրավոր և ՀՀ օրենսդրության իմաստով պատշաճ ստորագրված դիմում՝ Պայմանագրի լուծման և հաշվի փակման մասին՝ նշելով հաշվի գրանցման ժամանակ տրամադրած էլեկտրոնային հասցեն։

15.3 Պայմանագրի լուծման դիմումի ներկայացումը հաստատում է, որ Հաճախորդը հրաժարվում է հաշվին առկա բոնուսից և ծանոթ է հաշվին առկա գումարի դրական մնացորդի հետ վերադարձի պայմաններին։

15.4 Հաճախորդը իրավունք ունի Գլոբբինգին ներկայացնել նաև Հաշվի ապաակտիվացման դիմում, որի պարագայում ժամանակավորապես կասեցվելու է Հաշվից օգտվելու հնարավորությունը։

15.5 Ցանկացած հիմքով իրավահարաբերությունների դադարման դեպքում Հաճախորդը համաձայնություն է տալիս, առ այն, որ իր անձնական հաշիվը փակելուց և ապաակտիվացնելուց հետո  5 տարի Գլոբբինգը պահպանի Հաճախորդի անունով պատվիրված և ստացված Առաքանիների վերաբերյալ բոլոր տվյալները: 

15.6 Ընկերությունը իրավունք ունի միակողմանի դադարեցնել Ձեզ հետ ունեցած պայմանագրային իրավահարաբերությունները, եթե Հաճախորդը իր գործողություններով իրականությանը չհամապատասխանող տեղեկություններ է տարածում Ընկերության կողմից մատուցվող ծառայությունների վերաբերյալ, իր գործողություններով փորձում է այլ սուբյեկտների մոտ Ընկերության նկատմամբ ձևավորել բացասական կարծիք կամ այլ դեպքերում, երբ Ընկերությունը կգտնի, որ Հաճախորդի գործողությունները վնասում են կամ կարող են վնասել Ընկերության գործարար համբավը: Սույն կետով նախատեսված հիմքերով իրավահարաբերությունների դադարման դեպքում Հաճախորդի բոլոր բունուսները զրոյացվում են:

 

ԳԼՈՒԽ 16. ՎԵՃԵՐԻ ԼՈՒԾՈՒՄԸ

 

Ծառայությունների կապակցությամբ ծագած վեճերը և տարաձայնությունները լուծվում են բանակցությունների միջոցով: Եթե վեճը չի լուծվում բանակցությունների միջոցով Կողմերը համաձայնվում են Ծառայությունների շուրջ ծագած բոլոր վեճերի լուծումը, բացառելով ընդհանուր իրավասության դատարանների ենթակայությունը, հանձնել «Հայաստանի բանկերի միության ֆինանսական արբիտրաժ» հիմնարկին՝ «Առևտրային արբիտրաժի մասին» ՀՀ օրենքին, «ՀԲՄ ֆինանսական արբիտրաժ» հիմնարկի կանոնադրությանը և «ՀԲՄ ֆինանսական արբիտրաժ» հիմնարկի կանոնակարգին համապատասխան։ Կողմերը սահմանում են, որ արբիտրների կազմը ձևավորվում է «ՀԲՄ ֆինանսական արբիտրաժ» հիմնարկի կանոնակարգի համաձայն։ Արիտրաժի դատավարության լեզուն հայերենն է, արբիտրաժի վայրը ք. Երևանը։ Կողմերը պայմանավորվում են, որ վեճի քննությունը կիրականացվի միայն գրավոր նյութերի հիման վրա՝ առանց բանավոր քննության անցկացման։ Կողմերը տեղեկացվում են, որ «ՀԲՄ ֆինանսական արբիտրաժ» հիմնարկի կանոնադրությանը և «ՀԲՄ ֆինանսական արբիտրաժ» հիմնարկի կանոնակարգին կարող են ծանոթանալ Հայաստանի բանկերի միության կայքից՝ www.uba.am։ Վեճը լուծվում է Հայաստանի Հանրապետության օրենսդրության համաձայն։