Մոտեցրեք ծանրոցը մեր սպասարկման սրահներից մեկը։ Տրամադրեք Ձեր «Գլոբբինգ» էջի տվյալները, իսկ եթե չունեք՝ գրանցվեք տեղում` պարզ և արագ։ Մեր աշխատակիցը Ձեր ներկայությամբ կզննի և անվճար կփաթեթավորի կամ, անհրաժեշտության դեպքում, կվերափաթեթավորի ծանրոցը։ Ձեր ծանրոցը տեղում կկշռվի։ Մենք կառաքենք ծանրոցը ԱՄՆ-ում գտնվող մեր պահեստ, որտեղից ծանրոցը կփոխանցվի ԱՄՆ՝ ներքին առաքման առաքիչին։

Ծանրոցը մեր ԱՄՆ պահեստից այլ հասցե առաքելու դեպքում ավելանում է նաև ԱՄՆ-ի ներքին առաքման արժեքը: Ծանրոցը մեր ԱՄՆ պահեստում կարող է մնալ մինչև 1 շաբաթ։

Ապրանքի քաշը կլորացվում է վերև՝ մինչև 1 կգ 5000 դրամ առաջին 1 կգ-ի համար, իսկ դրանից հետո կլորացումը կատարվում է մինչև վերևի 500 գրամ: ՀՀ-ից ԱՄՆ ծանրոցների առաքման արժեքը հաշվարկվում է իրական և ծավալային քաշերից առավելագույնով։

 

 

Օրինակ՝

0,8 կգ բեռի առաքումը կարժենա 7000 դրամ։

5000 դրամ (1 կգ-ի արժեք) + 2000 դրամ (ֆիքսված վճար) = 7000 դրամ։

 

1,2 կգ բեռի առաքումը կարժենա 9500 դրամ։

5000 դրամ (1 կգ-ի արժեք) +2500 դրամ (0,2 կգ-ն կլորացված 0,5 կգ-ի) +2000 դրամ (ֆիքսված վճար) = 9500 դրամ։

Եթե բացակայում է անվճար վերադարձի պիտակը (return label), ԱՄՆ ներքին առաքման համար անհրաժեշտ կլինի վճարել լրացուցիչ։

«Globbing» ընկերությունը պատասխանատվություն է կրում ապրանքերի համար մինչև ԱՄՆ-ի ներքին փոխադրող ընկերությանը հանձնելը։ Հանձնելուց հետո ողջ պատասխանատվությունն անցնում է փոխադրող ընկերությանը (UPS, USPS, FEDEX)։ Եթե ծանրոցը վնասվել է կամ կորել, «Globbing» ընկերությունը կարող է հայտ բացել միայն UPS ընկերությանը հանձնած ծանրոցների համար։ Հայտ բացելու համար հարկավոր է ինվոյս, վնասված ապրանքի նկար, բանկային տվյալներ։

Այն ապրանքները, որոնց արժեքը կազմում է $800 և ավելի, մաքսազերծվում են ԱՄՆ-ում։ Նաև պետք է ներկայացնել առևտրային հաշիվ-ապրանքագիր (commercial invoice)։ Մաքսավճարի հաշվարկն իրականացվում է կոնկրետ ապրանքատեսակի համար՝ կախված գնից, քանակից, արտադրման երկրից։ $2,500 գերազանցող ապրանքների համար պարտադիր է նաև ստացող անձի կողմից լիազորագրի, SSN (social security number) կամ EIN (employer identification number) համարի տրամադրումը ԱՄՆ-ում գտնվող բրոքերներին, քանի որ ապրանքի ձևակերպումը և հայտարարագրումը պետք է կատարվի այլ ընթացակարգով, ինչպես նաև նման գումարի դեպքում պարտադիր առաջանում է մաքսատուրք, որը կարող է տատանվել 1.5-35% դրույքաչափով։ Եթե հաճախորդը արտահանում է ապրանքը մեծ քանակությամբ կամ վաճառելու նպատակով՝ անհրաժեշտ կլինի հաշիվ ապրանքագիր (invoice)։

1. Ալկոհոլային խմիչքներ, օծանելիք:

2. Պայթունավտանգ, հրավտանգ, դյուրավառ, քիմիական նյութեր (թունաքիմիկատներ):

3. Զենք և զինամթերք:

4. Թանկարժեք մետաղներ:

5. IQOS, ծխախոտ։

6. Փաստաթղթեր (եթե բնօրինակը չի), արժույթ, արտարժույթ, արժեթղթեր (ներառյալ՝ վիճակախաղի տոմսեր):

7. Կենդանիներ (կաշի, մորթի և այլն), բույսեր:

8. Ռադիոակտիվ պարագաներ, դեղամիջոցներ (հոգեմետ կամ թմրանյութ պարունակող):

9. Բուրդ:

10․ Նկարներ (մշակութային արժեք ներկայացնող)։

 

11․ Արագ փչացող սննդամթերք